Hjólreiðar við allra hæfi

9. - 10.  september 2017


facebook  instagram  twitter

Viðburðurinn

Hjólað í miðbæ Reykjavíkur, í Laugardal og á Þingvelli.

Í ár verður Tour of Reykjavík skipt upp í tvær dagleiðir og næsta skref stigið í að gera keppnina að alþjóðlega viðurkenndri götuhjólakeppni að erlendri fyrirmynd þar sem að boðið er upp á fleiri en eina dagleið. Markmið viðburðarins er tvíþætt, annars vegar að almenningur taki virkari þátt í hjólreiðaviðburðum en ekki síður efla hjólreiðar á afreksstigi hér innanlands. Vonir standa til að erlend þátttaka aukist ár frá ári sem vonandi mun hvetja innlent hjólreiðafólk til dáða. Stefnan er sett á fjórar dagleiðir innan 5 ára. Tour of Reykjavík býður upp á fjölbreyttar hjólaleiðir fyrir alla þá sem áhuga hafa á hjólreiðum.

Í 125 km hjólaleiðinni sem fram fer 9. september verður farið í fylgd lögreglu frá Laugardal, um Mosfellsheiði til Þingvalla og Nesjavallaleið til baka. Áhersla verður lögð á fylgd allra keppenda er uppfylla uppgefin tímamörk við gatnamót Nesjavallavegar og Suðurlandsvegar. Á laugardeginum gefst börnunum einnig tækifæri til að taka þátt á sérstakri barnabraut í Laugardalnum.

Þann 10. september fer seinni dagleiðin fram en hún samanstendur af þremur 20km borgarhringjum eða samtals 60 km, þar sem m.a. verður hjólað um Sæbraut, niður í Miðbæ og hringinn í kringum Tjörnina. Farið verður í gegnum marksvæðið að loknum hverjum hring svo stemming ætti bæði að skapast á brautinni og á marksvæðinu. Þá verður í boði fyrir almenning, og þá sem yngri eru, að fara einn hring.

Til mikils verður að vinna fyrir samanlagðan árangur í 125 og 60 km keppninni: 150.000kr.- fyrir 1. sætið, 100.000kr.- fyrir 2. sætið og 50.000kr.- fyrir 3. sætið. Verðlaunahafar fá einnig gjafabréf frá WOWair upp á 100.000kr.- fyrir 1. sætið og 50.000kr.- fyrir 2. sætið. Einnig fá vinningshafar í 1.- 3. sæti gjafabréf frá GÁP og glaðning frá Cintamani. Allir sem skrá sig í 125 km + 60 km keppnina fá síðerma bol frá Cintamani. 

Rás- og endamark verður fyrir framan Laugardalshöllina en þar safnast þátttakendur saman fyrir ræsingu. Í Laugardalshöllinni verður hægt að nýta sér sérfræðiþjónustu starfsmanna helstu hjólaumboða og ef til vill versla það allra nauðsynlegasta. Afhending skráningagagna fer fram í Laugardalshöllinni föstudaginn 8. september 2017, frá kl. 15-18 en einnig verður hægt að skrá sig á staðnum. Skráningu á netinu lýkur kl. 23, fimmtudaginn 7. september.

Keppninni er stýrt frá Laugardalnum, og mun mótstjórn vera með aðsetur í Laugardal. Í ár verður stigið annað skref í átt að frekari götulokunum fyrir hjólreiðafólk, þar sem að öryggisbílar, lögregla, dómarabílar og aðrir þjónustubílar munu fylgja hjólreiðafólki á báðum dagleiðunum frá upphafi til enda.

Einkunnarorð Tour of Reykjavík eru "Hjólreiðar við allra hæfi ”.

 tor dagskra 2017

 

Vegalengdir

Tour of Reykjavik er með fjórar mislangar vegalengdir og því er hægt að velja sér þá sem hentar getu og aldri hvers og eins.


Laugardagur 9.9.

125 km metra leiðin er krefjandi en hjólað verður í fjölbreyttu og fallegu umhverfi. Lagt verður af stað úr Laugardalnum og hjólað sem leið liggur Vesturlandsveginn, beygt inn á Mosfellsheiði og hjólað á Þingvelli. Við þjónustumiðstöð á Þingvöllum verður beygt í suður og farinn rangsælis hringur um Þjóðgarð. Á bakaleiðinni er farið um Grafning og Nesjavallaleið til Reykjavíkur. Frá Suðurlandsvegi fylgja þjónustubílar og mótorhjól hjólurum niður Suðurlandsveg, Ártúnsbrekku og stystu leið í Laugardal. Fyrirkomulag og reglur keppninar taka mið af liðakeppni (sjá reglur). Keppnin verður ræst kl. 8:00 frá Laugardalshöll, hjólreiðamenn koma saman á bílastæði við Laugardalshöll. Hjólað verður í fylgd lögreglu upp á Miklubraut, þar sem framkvæmt verður fljúgandi start. Fyrst er körlum startað og svo konum. Á undan og eftir fara dómarabílar en fylgdin er mest með fremstu mönnum (sjá reglur). Virk tímataka verður í boði svo þátttakendur fái staðfestan tíma og veitt verða verðlaun fyrir efstu þrjú sætin í helstu aldursflokkum karla og kvenna.

Aðalbakhjarl keppninnar WOWair veitir sigurvegurum keppninnar gjafabréf, 1. sætinu upp á 50.000kr.-, og 2. sætinu 25.000kr-. Einnig fá vinningshafar í 1.- 2. og 3. sæti gjafabréf frá GÁP og glaðning frá Cintamani. Að auki verður verðlaunað sérstaklega fyrir QUEEN / KING OF THE MOUNTAIN á Nesjavallaleið. Þau verðlaun eru Garmin úr, gjafabréf frá GÁP og glaðningur frá Cintamani. Keppendum er boðið í Laugardalslaugina að viðburði loknum.

Kort sem sýnir áætlaðan tíma fyrstu manna.

Kort sem sýnir leiðina sem þeim sem ná ekki tímamörkum er vísað inná.


Laugardagur 9.9.

Barnabrautin Áttan tekur mið af aldri barnanna en leitast verður við að upplifun þeirra verði sem eftirminnilegust. Hjólaður verður hringur í Laugardalnum og meðal annars farið um þrönga og skjólsæla skógarstíga. Hjólaleiðin (uþb 2 km) á að henta börnum frá þriggja til tíu ára en þó er vissara að þau yngstu séu í fylgd gangandi fullorðinna. Á leiðinni munu sápukúlur, bleikur reykur og tónlist gleðja þátttakendur.

Engin tímataka er í þessari vegalengd og engin verðlaun önnur en ánægjan. Hjólakraftur mun hafa umsjón með barnabrautinni en samtökin hafa á undanförnum árum látið að sér kveða í hjólreiðum á Íslandi. Andvirði verðlaunapenings allra þátttakenda Tour of Reykjavík mun renna til Hjólakrafts.

Allir þátttakendur fá gefins ljós frá WOW air sem hægt er að festa á hjól og gott er að hafa þegar skammdegið skellur á.

Ræst verður kl. 10:30 frá Laugardalshöll og þátttakendum er boðið í Laugardalslaugina að viðburði loknum.

Hægt er að skrá börn til þátttöku í Laugardalshöll föstudaginn 8.september kl.15-18 og laugardaginn 9.september frá kl.8:00-10:15.

Mælt er með því að allir þátttakendur skelli sér í Pumpuna frá Lexgames að keppni lokinni. Pumpan er skemmtileg þrautabraut fyrir hjólreiðafólk með hólum, hæðum og kröppum beygjum. Hún verður staðsett fyrir framan Laugardalshöllina.


Sunnudagur 10.9.

60 km hjólaleiðin liggur frá Laugardalnum, um Reykjaveg og niður Suðurlandsbraut. Beygt er inn Skeiðavog og Sæbrautin farin að Skúlagötu. Skúlagata er farin og upp Ingólfsstræti niður Hverfisgötu inn Lækjargötu og Fríkirkjuveg. Þá er farið í kringum tjörnina og komið aftur inn á Lækjargötu frá Vonarstræti. Þegar hjólað er til baka er farin sama leið nema beygt er inn Engjaveg á gatnamótunum hjá Grensásvegi. Farnir verða þrír hringir á lokuðu svæði fyrir umferð, í fylgd lögreglu og dómarabíla. Vonir standa til að á brautinni myndist skemmtileg stemning. Brautin hæfir öllum sem áhuga hafa á hjólreiðum og því ætti leiðin að henta bæði fyrir keppnisfólk og almenning. Keppnin verður ræst kl. 8:00 frá Laugardalshöll þar sem að hjólreiðamenn koma saman á bílastæði við Laugardalshöll. Hraðahólf í upphafi skipta hópnum upp, þannig að fremstu menn frá fyrri dagleið fara fyrst af stað. Fremsti hópur fær fylgd og ber öðrum að víkja fyrir þeim eins og frekast er kostur (sjá reglur). Virk tímataka verður í boði svo þátttakendur fái staðfestan tíma og veitt verða verðlaun fyrir efstu þrjú sætin í helstu aldursflokkum karla og kvenna.

Aðalbakhjarl keppninnar WOWair veitir sigurvegurum keppninnar gjafabréf, 1. sæti upp á 50.000kr.-, og 2. sætinu 25.000kr-. Einnig fá vinningshafar í 1. - 2. og 3. sæti gjafabréf frá GÁP og glaðning frá Cintamani.

TJARNARSPRETTURINN – Þátttakendur í 60 km eiga möguleika á glæsilegum verðlaunum fyrir hraðasta hringinn í kringum Tjörnina. Hraðasti karl og hraðasta kona fá Garmin Varia Radar, afturljós sem varar þig við bílum sem læðast aftan að þér, frá Garmin Búðin, GIRO FORAY™ MIPS hjálm frá GÁP og gjafabréf frá Culiacan Mexican Grill.

Keppendum í 60 km er boðið í Laugardalslaugina að viðburði loknum.


Sunnudagur 10.9.

Farinn er einn hringur á lokuðu svæði (sami hringur og fyrir 60 km keppni) fyrir umferð þar sem áhersla verður á að þátttakendur njóti þess að hjóla á auðum götum borgarinnar. Þátttakendur munu geta farið þessa vegalengd á sínum hraða án þess að það sé nokkuð verið að ýta á eftir þeim. Hjólaleiðin liggur frá Laugardalnum, um Reykjaveg og niður Suðurlandsbraut. Beygt er inn Skeiðavog og Sæbrautin farin að Skúlagötu. Skúlagata er farin og upp Ingólfsstræti niður Hverfisgötu inn Lækjargötu og Fríkirkjuveg. Þá er farið í kringum tjörnina og komið aftur inn á Lækjargötu frá Vonarstræti. Þegar hjólað er til baka er farin sama leið nema beygt er inn Engjaveg á gatnamótunum hjá Grensásvegi.

Keppni verður ræst kl. 10:30 frá Laugardalshöll og þátttakendum er boðið í Laugardalslaugina að viðburði loknum. Virk tímataka verður í boði svo þátttakendur fái staðfestan tíma og veitt verða verðlaun fyrir efstu þrjú sætin í flokki 15 ára og yngri. Áhersla verður lögð á fjölskylduvæna upplifun, brautin er talin æskileg fyrir börn frá 10 ára aldri. Allir þátttakendur fá ljós frá WOW air sem hægt er að festa á hjól og gott er að eiga þegar skammdegið skellur á. Þátttakendum er einnig boðið í Laugardalslaugina að viðburði loknum.

Truflun á umferð

Götulokanir verða vegna Tour of Reykjavik og truflun á umferð laugardaginn 9. september og þá sérstaklega sunnudaginn 10. september þegar keppt verður innan borgarmarkanna.

Helstu lokanir og leiðir út úr þeim

Laugardagurinn 9. september

 

Gera má ráðfyrir truflun á umferð á Vesturlandsvegi og Þingvallarvegi milli kl: 8:00-10:00.

Engjavegur frá Glæsibæ að bílastæði Þróttar verður lokað frá 10:30 - 12:00.

Grafningsvegur og Nesjavallavegur verða lokaðir frá kl:10:00 - 12:00 í báðar áttir. 

Truflun verður á umferð á aðreinum inná Suðurlandsveg og Vesturlandsveg milli 11:00 - 12:30

Smelltu hér fyrir kort af brautinni á laugardeginum.

Sunnudagur 10. september lokanir og truflun á umferð.

Suðurlandsbraut lokuð til vesturs sunnudaginn 10. september.

Suðurlandsbraut verður lokuð í vestur frá hringtorgi við Skeiðavog frá klukkan 7:00 – 12:00 að Reykjavegi.

Skeiðavogur lokaður frá hringtorgi við Mörk að Sæbraut frá klukkan 7:00 – 12:00

Aðkoma inn í Vogahverfi er um Réttarholtsveg/ Skeiðavog á brú yfir Miklubraut inn í Mörk.

Íbúar í Vogahverfi er bent að umferð verður stýrt í gegnum hringtorg við Mörk til að komast í átt að Skeiðavogi/ Réttarholtsvegi.

Sæbraut verður lokuð frá gatnamótum við Skeiðavog að Tryggvagötu frá klukkan 7:00 – 12:00.

Til að komast frá Klettagörðum/ Sundagörðum þarf að fara Vatnagarða, Skútuvog upp á Kleppsmýrarveg til að komast á Sæbraut.

Miðbær

Eftirfarandi götur verða lokaðar vegna Tour og Reykjavík 10. september frá klukkan 7:00 – 12:00.

Tjarnagata, Vonarstræti, Skothúsvegur, Fríkirkjuvegur, Lækjargata, Hverfisgata og Ingólfsstræti 

Kirkjugestum sem eiga erfitt með gang verður hleypt inn Vonarstræti að Templarasundi eftir kl. 10:30. 

Heimar
Íbúar í Heimum komast ekki inn á Suðurlandsbraut frá Álfheimum og Skeiðavogi þar sem Suðurlandsbraut er lokuð i vestur

frá hringtorgi við Skeiðavog að Reykjavegi frá klukkan 7:00 – 12:00. Hægt verður að fara Álfheima og Langholtsveg til vesturs/norðurs.

Glæsibær
Suðurlandsbraut og Engjavegur eru lokuð frá klukkan 7:00 – 12:00. Aðkoma að Glæsibæ eru um Langholtsveg / Álfheima

Smelltu hér fyrir kort af brautinni á laugardeginum.

Myndir

Reglur

Okkur er öryggi þátttakenda efst í huga. Vinsamlega lesið reglurnar vel og virðið þær þegar í keppnina er komið.

Reglur

Okkur er öryggi þátttakenda efst í huga. Vinsamlegast lesið reglurnar vel og virðið þær þegar í keppnina er komið.

Reglur þessar eru fyrst og fremst hugsaðar til að tryggja öryggi allra keppenda og biðlum við til keppenda um að sýna mótshöldurum skilning.
Keppt verður eftir reglum HRÍ
http://hri.is/assets/uploads/Mota-og-keppendareglur-Hjolreidanefndar.pdf

Keppendur verða að fara eftir eftirfarandi keppnisreglum:

Keppnisreglur keppenda:
1. Þar sem keppnin er haldin á vegum sem opnir eru fyrir almennri umferð skulu þátttakendur fylgja almennum umferðalögum í hvívetna, t.d. þegar bílum er mætt eða þegar hjólað er út á akbraut, og sýna annarri umferð tillitssemi.
2. Hjóla skal hægra megin við miðlínu á malbiki (miðlínuregla).
a. Þar sem ekki sést miðlína gildir ekki miðlínuregla (en umferðalög gilda engu að síður áfram)
b. Frekari upplýsingar um undantekningar frá miðlínureglu má finna í brautarlýsingu.
3. Aðrar öryggisreglur í umferð:
. Ekki taka fram úr öðrum keppendum nema öllu sé óhætt!
a. Keppendum sem nema staðar ber að færa sig strax út í vegarkant.
b. Keppendum er hætta keppni, er bent á að færa hjólið út fyrir vegarkant en þó helst þannig að það sé sýnilegt fyrir þjónustubíla Tour of Reykjavík
c. Best er að fara ekki of geyst í byrjun til þess að hafa orku fyrir seinni hluta keppninnar.
4. Bannað er að stytta sér leið. Yfirgefi keppandi keppnisleiðina verður hann að koma inn á hana á sama stað og hann yfirgaf hana.
5. Allir keppendur skulu hjóla með reiðhjólahjálm á meðan á keppni stendur.
6. Öll venjuleg reiðhjól eru leyfileg í keppninni, en gæta skal að búnaður á þeim (ef til staðar), svo sem standari, bögglaberi, bretti eða annað slíkt, sé vel fest, og af búnaðinum stafi ekki hætta fyrir aðra keppendur.
7. Liggistýri, letingjar, TT-bars eða annar sambærilegur búnaður er bannaður í 125km og 60km keppninni. Venjulegir stuttir stýrisendar (festir á enda fjallahjólastýris) eru leyfðir. Öll hjól eru leyfð en ITT gjarðir bannaðar.
8. Bannað er að nýta sér skjól af utanaðkomandi farartækjum í keppni.
9. Keppandi sem veldur truflun á keppni með því að hindra eða stofna í hættu öðrum keppanda (t.d. í endaspretti) dæmist úr leik.
10. Í endaspretti skal keppandi undantekningalaust halda beinni línu og hafa a.m.k. aðra hendi á stýrinu.
11. Keppandi mælist kominn í mark þegar fremsti punktur framdekks snertir lóðlínu yfir fremri brún marklínu.
12. Notkun talstöðva er með öllu bönnuð
13. Í liðakeppni eru þrír til fimm keppendur, þrír bestu tímarnir telja í liðakeppninni í karla og kvennaflokki. Hver keppandi getur einungis verið í einu liði.
14. Það má ekki nýta sér skjól af gagnstæðu kyni eða af ökutækjum. Þeir þátttakendur sem vilja skrá lið í keppnina geta gert það á "mínum síðum" eftir að hafa skráð sig.
15. Hvert lið í liðakeppninni getur sótt um að hafa einn fylgdarbíl í 125 km hjólaleiðinni en annars eru þeir bannaðir.
. Fylgdarbílar skulu í einu og öllu fara eftir fyrirmælum dómara.
a. Fylgdarbílar þurfa að vera merktir með A4 blaði í afturrúðu og hliðarrúðum með stafnum F og hvaða hjólara/liði bíllinn er að fylgja.
b. Mótstjórn ákveður hvaða lið mega vera með fylgdarbíl og hver ekki. Of margir bílar í braut getur haft hættu í för með sér.
c. Fylgdarbíll getur aðstoðað með fatnað, slöngur, dekk og verkfæri. Einnig má skipta um gjarðir í keppninni.
d. Fylgdarbílum er óheimilt að keyra upp að keppendum, t.d. til að rétta drykki eða matvæli eða til að gefa millitíma.
16. Brot á reglum:
. Þátttakendur sem ekki fara eftir ofangreindum reglum verða dæmdir úr keppni.
a. Mótsnefnd áskilur sér rétt til að stöðva í ræsingu hvern þann sem ekki fylgir þessum reglum.
Keppnisreglur fylgdarbíla:
Fylgdarbílar eru leyfðir í brautinni. Þau lið sem hyggjast vera með fylgdarbíl þurfa að sækja um það viku fyrir keppni, þar sem fram kemur skráningarnúmer á bifreið, nafn á bílstjóra og GSM númer bílstjóra.
Fylgdarbílar skulu í einu og öllu fara eftir fyrirmælum dómara. Þegar tími á milli hópa er orðinn nægur til að dómari telur það vera öruggt að fara á milli hópa færir dómarabíllinn sig á milli hópanna og þeir fylgdarbílar sem eiga liðsmenn í þeim hóp fylgja á eftir. Til að minnka slysahættu er fylgdarbílum ekki heimilt að keyra upp að keppendum.
Fylgdarbílar skulu alltaf keyra á eftir dómara, þeir mega aldrei vera á milli dómarabíls og keppenda.  Eftir að komið er inn á borgarhringinn skulu fylgdarbílar keyra í mark án þess að hafa frekari afskipti af keppninni.
Hlutverk fylgdarbíla skal fyrst og fremst takmarkast við að aðstoða keppendur ef óhöpp verða, t.d. springur á dekki o.þ.h.  
Keppnisstjórn minnir í þessu sambandi á drykkjarstöðvar.
Í 125 km keppni verða þær staðsettar við þjónustumiðstöð á Þingvöllum og KOM/QOM (King/Queen of the Mountain) efst á Nesjavallaleið, við tankana. Verðlaun verða veitt fyrir þann karl og þá konu sem er fyrst upp efst á Nesjavallarleið.
Í 60 km keppni verður drykkjarstöð og tjarnarsprettur í Lækjargötu. Verðlaun verða veitt í karla og kvennaflokki fyrir hraðasta tjarnarsprettinn.
Verði misbrestur á að fylgdarbílar fylgi ofangreindum reglum varðar það brottvísun úr keppni þess keppanda eða liðs sem í hlut á.
Ræsing
Rás- og endamark verður fyrir framan Laugardalshöllina en þar safnast þátttakendur saman fyrir ræsingu.
Ræsing 125 km keppni verður keppendum startað á sama tíma frá Laugardalnum en þó þannig að karlkyns þátttakendur fara fyrst af stað í knippi og kvenkyns keppendur þar strax á eftir. Bilið verður markað með dómarabíl sem undanfara. Þegar komið er niður á Miklubraut verður keppninni startað kynskipt með formlegum hætti en fram að því er hópnum haldið saman í einum hóp (controled start).
Ræsing 60 km keppni verður skipt í hraðahólf í upphafi til að skipta hópnum upp, þannig að fremstu keppendur frá fyrri dagleið fara fyrst af stað. Bilið verður markað með dómarabíl sem undanfara. Fremsti hópur fær fylgd og ber öðrum að víkja fyrir þeim eins og frekast er kostur (sjá reglur).
Fyrirkomulag keppni
Tímataka er í öllum vegalengdum en einungis er ábyrgst að s.k. virk tímataka með flögu í 60km og 125km. Tímatökuflöguna þurfa þátttakendur að festa á hjól. Hún skal vera á gafli. Engin flaga enginn tími. Flögunni verður að skila, starfsmaður tekur flöguna af hjólinu í lok keppni. Skila ber flögunni til starfsmanna við Suðurlandsveg ef tímamörkum er ekki náð.
Akstur á braut:
• Öryggisbíll leiðir fremstu keppendur í 20 km, 60 km og 125 km alla leið frá rásmarki í endamark.
• Mótorhjól lögreglu leiðir í 125 km brautinni þar sem að brautin er ekki að öllu lokuð fyrir umferð.
• Mótorhjól lögreglu leiða í 60 km keppni og gegna því hlutverki að hliðra til fyrir fremsta hjólreiðafólki, bæði þegar það hringar aðra keppendur og gagnvart öðrum utanaðkomandi þáttum.
• Með fremstu hópum fylgja rauðmerktir dómarabílar (einn í 20 km, einn í 60 km og tveir í 125 km)
• Þjónustubíll/skúffa fylgir á eftir hjólurum og tekur upp þá sem gefast upp, biluð hjól og annan búnað á braut.
• Dómarar gegna m.a. því hlutverki að dæma keppendur úr leik ef þeir meta viðkomandi keppanda ekki færan um að klára keppnina.
Virk tímataka verður í boði svo þátttakendur fái staðfestan tíma og veitt verða verðlaun fyrir efstu þrjú sætin í helstu aldursflokkum karla og kvenna.
Dómarabílar, fylgdarbílar og lögreglumótorhjól fylgja þátttakendum hringinn.
Í Laugardalshöllinni verður hægt að nýta sér sérfræðiþjónustu starfsmanna helstu hjólaumboða og ef til vill versla það allra nauðsynlegasta.

Aldursflokkar
• 18-29 ára
• 30-39 ára
• 40-49 ára
• 50 ára og eldri

Engir aldursflokkar eru í liðakeppni

 

Skráning

Forskráningu í WOW Tour of Reykjavik 2017 er lokið. Afhending skráningagagna fer fram í Laugardalshöll föstudaginn 8. september kl.15-18. Einnig verður hægt að skrá sig á staðnum.

Verðskrá  

Tímasetning 12.04.17-15.05.17 16.05.17 - 03.09.17 04.09.17 - 10.09.17
Barnabraut (2km)          1.200         1.500          1.800 
20 km         3.400         4.000          4.600
60 km- 13 ára og eldri         6.800         8.000          9.200
125 km - 18 ára og eldri          9.600        12.000         14.400

125 km + 60 km 

       12.000       15.000          18.000

                                                                           

Forskráningu í WOW Tour of Reykjavik 2017 er lokið
Hægt verður að skrá þátttakendur til keppni í Laugardalshöll föstudaginn 8.september kl.15:00-18:00 og frá kl.7:00 báða keppnisdagana. Á sama tíma þurfa forskráðir þátttakendur að sækja skráningargögnin sín.

 

Hér má finna lista yfir forskráða þátttakendur í WOW Tour of Reykjavík 2017. 
Athugið að ekki vildu allir láta nafn sitt birtast á listanum.

Úrslit

Hægt er að fylgjast með úrslitum WOW Tour of Reykjavik 2017 í beinni útsendingu með því að smella hér.

Smellið hér til að finna úrslit í Tour of Reykjavik 2016.


Rás2 mun fjalla ítarlega um Tour of Reykjavik .

Samstarfsaðilar

powerade new sponsor2  avis  sponsor cintamani

sponsor garmin  sponsors reykjavikurborg  gap sponsor

 wow spons logo  kynnisferdir