Hjólreiðar við allra hæfi

1. og 2. júní 2018
skraning facebookinstagramtwitter

Viðburðurinn

Hjólakeppni í miðbæ Reykjavíkur og svo krefjandi hjólaleið til Þingvalla.

Tour of Reykjavík er skipt upp í tvær dagleiðir og næsta skref stigið í að gera keppnina að alþjóðlega viðurkenndri götuhjólakeppni að erlendri fyrirmynd. Markmið viðburðarins er tvíþætt, annars vegar að fjölga þeim sem taka þátt í hjólreiðum og hins vegar að efla keppnishjólreiðar. Vonir standa til að erlend þátttaka aukist ár frá ári sem vonandi mun hvetja innlent hjólreiðafólk til dáða. Tour of Reykjavík býður einnig upp á þrautabraut fyrir börn og unglinga sem staðsett verður nálægt marksvæðinu.

Í ár verður kynskipt ræsing í fyrsta skipti sem vonandi mun bæði auka fjölda kvenna í keppninni og bæta stemmninguna í brautinni. Einnig verður hægt að skrá sig í annars vegar A flokk og B flokk. A flokkur er fyrir þá sem ætla sér að taka þátt í báðum dagleiðum. Vonir standa til að þessar breytingar hafi þau áhrif að fleiri finni sér skemmtilega keppni við hæfi.

Skráningu á netinu lýkur kl. 23:00 miðvikudaginn 30. maí. Til mikils verður að vinna fyrir þátttakendur.
Þeir sem taka þátt í A flokki teljast ekki með í úrslitum í B flokki.

Verðlaun í flokki A (samanlagt 50km+125km):
• 150.000kr.- fyrir 1. sætið og 100.000kr.- gjafabréf frá WOWair
• 100.000kr.- fyrir 2. sætið og 50.000kr.- gjafabréf frá WOWair
• 50.000kr.- fyrir 3. sætið
*allir sem skrá sig í A flokkinn fá síðerma bol frá Cintamani

Verðlaun í flokki B (50km):
• 50.000kr.- gjafabréf frá WOWair fyrir 1. sætið
• 25.000kr.- gjafabréf frá WOWair fyrir 2. sætið
• Gjafir frá Cintamani og GÁP fyrir 3. sætið

Verðlaun í flokki B (125km):
• 50.000kr.- gjafabréf frá WOWair fyrir 1. sætið
• 25.000kr.- gjafabréf frá WOWair fyrir 2. sætið
• Gjafir frá Cintamani og GÁP fyrir 3. sætið

*verðlaunaafhending fer fram að lokinni keppni á laugardag
*keppendum er boðið í Laugardalslaugina að viðburði loknum.

Rás- og endamark verður í Lækjargötunni en þar safnast þátttakendur saman fyrir ræsingu.

Í ár verður stigið annað skref í átt að frekari götulokunum fyrir hjólreiðafólk, þar sem að öryggisbílar, lögregla, dómarabílar og aðrir þjónustubílar munu fylgja hjólreiðafólki.

Einkunnarorð Tour of Reykjavík eru "Hjólreiðar við allra hæfi ”.

Vegalengdir

Tour of Reykjavik er með fjórar mislangar vegalengdir og því er hægt að velja sér þá sem hentar getu og aldri hvers og eins.


Föstudagur 1.6. 2018

125 km metra leiðin er krefjandi en hjólað verður í fjölbreyttu og fallegu umhverfi. Lagt verður af stað úr Lækjargötu og hjólað á Þingvelli. Þessi vegalengd er einungis fyrir reynda hjólara. Farið verður um Grafning og Nesjavallaleið til Reykjavíkur. Frá Suðurlandsvegi fylgja þjónustubílar og mótorhjól hjólurum Suðurlandsveg og stystu leið í Árbæ. Allir þátttakendur geta klárað keppnina en tímatakmörk gagnvart fylgd eru 5 klst. Þeir sem ná ekki tímamörkum gætu þurft að klára síðustu km án fylgdar. Fyrirkomulag og reglur keppninnar taka mið af liðakeppni (sjá reglur). Hjólað verður í fylgd lögreglu frá Lækjargötu, bestu leið út úr borginni og framkvæmt svokallað fljúgandi start á leiðinni. Á undan og eftir fara dómarabílar en fylgdin er mest með fremstu mönnum (sjá reglur). Virk tímataka verður í boði svo þátttakendur fái staðfestan tíma og veitt verða verðlaun fyrir efstu þrjú sætin í helstu aldursflokkum karla og kvenna.

Keppni verður ræst kl. 18:00 frá Lækjargötunni. Keppendur fara í fylgd lögreglu og dómarabíla af stað áleiðis og við fyrsta hugsanlega tækifæri verður framkvæmt s.k. fljúgandi start fyrir bæði kyn.

Að auki verður verðlaunað sérstaklega fyrir QUEEN / KING OF THE MOUNTAIN á Nesjavallaleið.

*Kort af leiðinni er í vinnslu enda leyfi frá hlutaðkomandi ekki í hendi. Nákvæmt kort, með hæðarkóðum og hættum á leiðinni verður sett inn á vefinn þegar nær dregur viðburði.


Laugardagur 2.6.2018

Þrautabrautin tekur mið af því að mæta óskum yngsta aldurshópsins. Hjólaður verður hringur í miðbænum sem henta mun börnum frá þriggja til tólf ára en þó er vissara að þau yngstu séu í fylgd gangandi fullorðinna. Á leiðinni munu m.a. sápukúlur, reykur og tónlist gleðja þátttakendur.

Hjólakraftur mun hafa umsjón með barnabrautinni en samtökin hafa á undanförnum árum látið að sér kveða í hjólreiðum á Íslandi. Andvirði verðlaunapenings allra þátttakenda Tour of Reykjavík mun renna til Hjólakrafts.

Allir þátttakendur fá gefins ljós frá WOW air sem hægt er að festa á hjól og gott er að hafa þegar skammdegið skellur á.

Pumpan frá Lexgames verður staðsett í miðbænum á meðan á Tour of Reykjavík stendur en hún er skemmtileg þrautabraut fyrir hjólreiðafólk með hólum, hæðum og kröppum beygjum.


Laugardagur 2.6.2018

50 km hjólaleiðin liggur frá Lækjargötunni, Sæbraut framhjá Hörpu í austur og til baka, í kringum tjörnina. Farnir verða fjórir 12,5km langir hringir á lokuðu svæði fyrir umferð. Vonir standa til að á brautinni myndist skemmtileg stemning enda farnir tiltölulega stuttir hringir í miðbænum. Brautin hæfir öllum sem áhuga hafa á hjólreiðum og því ætti leiðin að henta bæði fyrir keppnisfólk og almenning.
Fyrir ræsinguna verður þátttakendum stillt upp í hraðahólf þannig að A flokks keppendur frá fyrri dagleið fara fyrst af stað. Keppnin er hugsuð fyrir 13 ára og eldri. Fremsti hópur fær fylgd og ber öðrum að víkja fyrir þeim eins og frekast er kostur (sjá reglur). Virk tímataka verður í boði svo þátttakendur fái staðfestan tíma (sjá verðlaun fyrir B flokk efst á síðunni).

Ræsingar:
Kl:16:00 Konur - þátttakendur í A flokki starta fyrst, þ.e. þær sem þátt tóku í 125km keppninni
Kl:17:45 Karlar - þátttakendur í A flokki starta fyrst, þ.e. þeir sem þátt tóku í 125km keppninni
(brautin opnar fyrir umferð um kl: 19:15)

*Kort af leiðinni er í vinnslu enda leyfi frá hlutaðkomandi ekki í hendi. Nákvæmt kort, með hæðarkóðum og hættum á leiðinni verður sett inn á vefinn þegar nær dregur viðburði.

Truflun á umferð

Götulokanir verða vegna Tour of Reykjavik og truflun á umferð þegar keppt verður innan borgarmarkanna.

Nánari upplýsingar varðandi lokanir koma inn þegar nær dregur viðburði.



Myndir

Reglur

Okkur er öryggi þátttakenda efst í huga. Vinsamlega lesið reglurnar vel og virðið þær þegar í keppnina er komið.

Reglur

Okkur er öryggi þátttakenda efst í huga. Vinsamlegast lesið reglurnar vel og virðið þær þegar í keppnina er komið.

Reglur þessar eru fyrst og fremst hugsaðar til að tryggja öryggi allra keppenda og biðlum við til keppenda um að sýna mótshöldurum skilning.
Keppt verður eftir reglum HRÍ
http://hri.is/assets/uploads/Mota-og-keppendareglur-Hjolreidanefndar.pdf

Keppendur verða að fara eftir eftirfarandi keppnisreglum:

Keppnisreglur keppenda:
1. Þar sem keppnin er haldin á vegum sem opnir eru fyrir almennri umferð skulu þátttakendur fylgja almennum umferðalögum í hvívetna, t.d. þegar bílum er mætt eða þegar hjólað er út á akbraut, og sýna annarri umferð tillitssemi.
2. Hjóla skal hægra megin við miðlínu á malbiki (miðlínuregla).
a. Þar sem ekki sést miðlína gildir ekki miðlínuregla (en umferðalög gilda engu að síður áfram)
b. Frekari upplýsingar um undantekningar frá miðlínureglu má finna í brautarlýsingu(techical handbook).
3. Aðrar öryggisreglur í umferð:
. Ekki taka fram úr öðrum keppendum nema öllu sé óhætt!
a. Keppendum sem nema staðar ber að færa sig strax út í vegarkant.
b. Keppendum er hætta keppni, er bent á að færa hjólið út fyrir vegarkant en þó helst þannig að það sé sýnilegt fyrir þjónustubíla Tour of Reykjavík
4. Bannað er að stytta sér leið. Yfirgefi keppandi keppnisleiðina verður hann að koma inn á hana á sama stað og hann yfirgaf hana.
5. Allir keppendur skulu hjóla með reiðhjólahjálm á meðan á keppni stendur.
6. Öll venjuleg reiðhjól eru leyfileg í keppninni, en gæta skal að búnaður á þeim (ef til staðar), svo sem standari, bögglaberi, bretti eða annað slíkt, sé vel fest, og af búnaðinum stafi ekki hætta fyrir aðra keppendur.
7. Liggistýri, letingjar, TT-bars eða annar sambærilegur búnaður er bannaður í 125km og 50km keppninni. Venjulegir stuttir stýrisendar (festir á enda fjallahjólastýris) eru leyfðir. Öll hjól eru leyfð en ITT gjarðir bannaðar.
8. Bannað er að nýta sér skjól af utanaðkomandi farartækjum í keppni.
9. Keppandi sem veldur truflun á keppni með því að hindra eða stofna í hættu öðrum keppanda (t.d. í endaspretti) dæmist úr leik.
10. Í endaspretti skal keppandi undantekningalaust halda beinni línu og hafa a.m.k. aðra hendi á stýrinu.
11. Keppandi mælist kominn í mark þegar fremsti punktur framdekks snertir lóðlínu yfir fremri brún marklínu.
12. Notkun talstöðva er með öllu bönnuð
13. Í liðakeppni eru þrír til fimm keppendur, þrír bestu tímarnir telja í liðakeppninni í karla og kvennaflokki. Samanlagður tími hvers og eins keppanda telur. Hver keppandi getur einungis verið í einu liði.
14. Það má ekki nýta sér skjól af gagnstæðu kyni eða af ökutækjum. Þeir þátttakendur sem vilja skrá lið í keppnina geta gert það á "mínum síðum" eftir að hafa skráð sig.
15. Hvert lið í liðakeppninni getur sótt um að hafa einn fylgdarbíl í 125 km hjólaleiðinni en annars eru þeir bannaðir.
. Fylgdarbílar skulu í einu og öllu fara eftir fyrirmælum dómara.
a. Fylgdarbílar þurfa að vera merktir með A4 blaði í afturrúðu og hliðarrúðum með stafnum F og hvaða hjólara/liði bíllinn er að fylgja.
b. Mótstjórn ákveður hvaða lið mega vera með fylgdarbíl og hver ekki. Of margir bílar í braut getur haft hættu í för með sér.
c. Fylgdarbíll getur aðstoðað með fatnað, slöngur, dekk og verkfæri. Einnig má skipta um gjarðir í keppninni.
d. Fylgdarbílum er óheimilt að keyra upp að keppendum, t.d. til að rétta drykki eða matvæli eða til að gefa millitíma.
16. Brot á reglum:
. Þátttakendur sem ekki fara eftir ofangreindum reglum verða dæmdir úr keppni.
a. Mótsnefnd áskilur sér rétt til að stöðva í ræsingu hvern þann sem ekki fylgir þessum reglum.
Keppnisreglur fylgdarbíla:
Fylgdarbílar eru leyfðir í brautinni. Þau lið sem hyggjast vera með fylgdarbíl þurfa að sækja um það viku fyrir keppni, þar sem fram kemur skráningarnúmer á bifreið, nafn á bílstjóra og GSM númer bílstjóra.
Fylgdarbílar skulu í einu og öllu fara eftir fyrirmælum dómara. Þegar tími á milli hópa er orðinn nægur til að dómari telur það vera öruggt að fara á milli hópa færir dómarabíllinn sig á milli hópanna og þeir fylgdarbílar sem eiga liðsmenn í þeim hóp fylgja á eftir. Til að minnka slysahættu er fylgdarbílum ekki heimilt að keyra upp að keppendum.
Fylgdarbílar skulu alltaf keyra á eftir dómara, þeir mega aldrei vera á milli dómarabíls og keppenda.  Eftir að komið er inn á borgarhringinn skulu fylgdarbílar keyra í mark án þess að hafa frekari afskipti af keppninni.
Hlutverk fylgdarbíla skal fyrst og fremst takmarkast við að aðstoða keppendur ef óhöpp verða, t.d. springur á dekki o.þ.h.  
Keppnisstjórn minnir í þessu sambandi á drykkjarstöðvar.
Í 125 km keppni verða þær staðsettar við þjónustumiðstöð á Þingvöllum og KOM/QOM (King/Queen of the Mountain) efst á Nesjavallaleið, við tankana. Verðlaun verða veitt fyrir þann karl og þá konu sem er fyrst upp efst á Nesjavallarleið.
Í 50 km keppni verður drykkjarstöð við rásmark.
Verði misbrestur á að fylgdarbílar fylgi ofangreindum reglum varðar það brottvísun úr keppni þess keppanda eða liðs sem í hlut á.
Ræsing
Rás- og endamark verður á Lækjargötu en þar safnast þátttakendur saman fyrir ræsingu.
Ræsing 125 km keppni verður keppendum startað á sama tíma frá Lækjargötunni en þó þannig að karlkyns þátttakendur fara fyrst af stað í knippi og kvenkyns keppendur þar strax á eftir. Bilið verður markað með dómarabíl sem undanfara. Þegar komið er á Miklubraut verður keppninni startað kynskipt með formlegum hætti en fram að því er hópnum haldið saman í einum hóp (controled start).
Ræsing 50 km keppni verður skipt í hraðahólf í upphafi til að skipta hópnum upp, þannig að fremstu keppendur frá fyrri dagleið fara fyrst af stað en b flokkur þar á eftir. Bilið verður markað með dómarabíl sem undanfara. Fremsti hópur fær fylgd og ber öðrum að víkja fyrir þeim eins og frekast er kostur. Konum og körlum verður startað í sitthvoru lagi.
Fyrirkomulag keppni
Virk tímataka er í báðum vegalengdum með s.k. virkri tímatöku. Tímatökuflöguna þurfa þátttakendur að festa á hjól. Hún skal vera á gafli. Engin flaga enginn tími. Flögunni verður að skila, starfsmaður tekur flöguna af hjólinu í lok keppni. Skila ber flögunni til starfsmanna við Suðurlandsveg ef tímamörkum er ekki náð.
Akstur á braut:
• Öryggisbíll leiðir fremstu keppendur í 50 km og 125 km alla leið frá rásmarki í endamark en þó ekki þar sem þrengingar eru miklar.
• Mótorhjól lögreglu leiðir í 125 km brautinni þar sem að brautin er ekki að öllu lokuð fyrir umferð.
• Mótorhjól lögreglu leiða í 50 km keppni og gegna því hlutverki að hliðra til fyrir fremsta hjólreiðafólki, bæði þegar það hringar aðra keppendur og gagnvart öðrum utanaðkomandi þáttum.
• Með fremstu hópum fylgja rauðmerktir dómarabílar (einn í 50 km og tveir í 125 km)
• Þjónustubíll/skúffa fylgir á eftir hjólurum og tekur upp þá sem gefast upp, biluð hjól og annan búnað á braut.
• Dómarar gegna m.a. því hlutverki að dæma keppendur úr leik ef þeir meta viðkomandi keppanda ekki færan um að klára keppnina.
Virk tímataka verður í boði svo þátttakendur fái staðfestan tíma og veitt verða verðlaun fyrir efstu þrjú sætin í helstu aldursflokkum karla og kvenna.
Dómarabílar, fylgdarbílar og lögreglumótorhjól fylgja þátttakendum hringinn.
Í Laugardalshöllinni verður hægt að nýta sér sérfræðiþjónustu starfsmanna helstu hjólaumboða og ef til vill versla það allra nauðsynlegasta.

Aldursflokkar
• 18-29 ára
• 30-39 ára
• 40-49 ára
• 50 ára og eldri

Engir aldursflokkar eru í liðakeppni. 

* Birt með fyrirvara um breytingar

 

 

Skráning

Forskráningu í WOW Tour of Reykjavik 2018 hefst 12. janúar og endar kl. 23 þann 30. maí. Hægt verður að skrá þátttakendur til keppni í Cintamani (Bankastræti) föstudaginn 1. júní og laugardaginn 2. júní frá kl.12:00-16:00. Á sama tíma þurfa forskráðir þátttakendur að sækja skráningargögnin sín.

Verðskrá  

Tímasetning 12.01.18-05.04.18 06.04.18 - 30.05.18 Á staðnum
Barnabraut (2km)          1.200         1.500          1.800 
50 km- 13 ára og eldri         6.800         8.000          9.200
125 km - 18 ára og eldri          9.600        12.000         14.400

125 km + 50 km 

       12.000       15.000          18.000

                                                                                                                                                                                            

SKRADU THIG HER

Úrslit

Hægt er að fylgjast með úrslitum WOW Tour of Reykjavik 2017 í beinni útsendingu með því að smella hér.

Smellið hér til að finna úrslit í Tour of Reykjavik 2017.


Rás2 mun fjalla ítarlega um Tour of Reykjavik .

Samstarfsaðilar

powerade new sponsor2  avis  sponsor cintamani

sponsor garmin  sponsors reykjavikurborg  gap sponsor

 wow spons logo  kynnisferdir